Mayın 3-də İqtisadi İnkişaf Nazirliyinin İqtisadi İslahatlar Elmi-Tədqiqat İnstitutunda Türk Əməkdaşlıq və Koordinasiya Agentliyinin (TİKA) Bakı Proqram koordinatoru Ali Muslunun rəhbərlik etdiyi nümayəndə heyəti ilə görüş keçirilmişdir.

Görüşdə İqtisadi İslahatlar Elmi-Tədqiqat İnstitutu və TİKA Bakı Proqram Koordinatorluğu arasında mövcud və perspektiv əməkdaşlıq əlaqələri müzakirə edilmişdir. Bildirmişdir ki, ekoloji təmiz kənd təsərrüfatı sahəsindəki pilot layihənin nəticələrindən biri kimi “Gələcək nəsillər üçün ekoloji təmiz kənd təsərrüfatı” adlı dərs vəsaiti hazırlanmış və bu vəsaitin orta məktəblərdə istifadə olunmasının tövsiyə edilməsi qeyd edilmişdir. Bu istiqamətdə işlərin davam etdirilməsi məqsədilə Türkiyə Respublikasının Ege Universiteti ilə qurulmuş əlaqələrdən bəh edilmiş və hal-hazırda İnstitutun əməkdaşlarının mübadilə proqramlarında iştirakının zəruriliyi vurğulanmış və bu istiqamətdə atılacaq növbəti addımlar müəyyənləşdirilmişdir.

Tədbir çərçivəsində qonaqlar TİKA-nın dəsətəyi ilə İnstitutda yaradılan video-konfrans otaqlarına baxış keçirmişlər.

© İstifadə zamani www.ier.az saytına istinad zəruridir.