Рейтинг@Mail.ru

“Bacarıqların iş yerlərinə uyğunlaşdırılması üzrə sosial tərəfdaşlıq laboratoriyası (Şərq Tərəfdaşlıq Platforması 2)” mövzusunda seminar keçirilmişdir

  • 20 Aprel 2013


18-19 aprel tarixlərində Portuqaliyanın Lissabon şəhərində Avropa Birliyinin və Avropa Təlim Fondunun (ETF) birgə təşkilatçılığı ilə “Bacarıqların iş yerlərinə uyğunlaşdırılması üzrə sosial tərəfdaşlıq laboratoriyası (Şərq Tərəfdaşlıq Platforması 2)” mövzusunda seminar keçirilmişdir. Seminarda Avropa Təlim Fondunun, Portuqaliyanın Peşə və İxtisas Təhsili və Təlimi üzrə Milli Agentliyinin mütəxəssisləri ilə yanaşı, Şərq Tərəfdaşlığı ölkələrinin (Azərbaycan, Belorusiya, Ermənistan, Gürcüstan, Moldova və Ukraynanın) nümayəndə heyətləri də iştirak etmişlər. İqtisadi İnkişaf Nazirliyinin İqtisadi İslahatlar Elmi-Tədqiqat İnstitutunun Tədris və koordinasiya şöbəsinin müdiri Aynurə İsmayılova azərbaycanlı nümayəndə heyətində iştirak etmişdir.

 

Seminarda əmək bazarlarında işçi qüvvəsinə olan tələb və təkliflərin tarazlaşdırılması üçün sahələr üzrə komitələrin rolu və məsləhət xidmətləri, əmək bazarının analizi və məlumatların əldə edilməsi, əldə olunan məlumatlardan düzgün istifadə edilməsi və bu məlumatların bazarın maraqlı tərəfləri arasında yayılması istiqamətdə Şərq Tərəfdaşlığı - keçmiş post-Sovet ölkələrinin təcrübəsinə baxılmışdır. Burada məqsəd mövcud təcrübənin öyrənilməsi ilə sahə komitələrinin gələcək inkişafının təmin olunması istiqamətində yeni yanaşmaların formalaşmasından ibarət olmuşdur.

 

Qeyd olunan məsələlərin həlli üzrə təcrübələrin öyrənilməsinin davam etdirilməsi, tədqiqat, istiqamət və mövzularının müzakirə edilməsi məqsədilə növbəti seminarın cari ilin sentyabr ayında Gürcüstanda keçirilməsi nəzərdə tutulmuşdur.

 

 

© İstifadə zamanı www.ier.az saytına istinad zəruridir.

 


136.jpg
  • 20 Aprel 2013
  • 1330