Рейтинг@Mail.ru

Brandies Universitetinin məzunları ilə görüş keçirilmişdir

  • 04 İyun 2013


İyunun 4-də İqtisadi İnkişaf Nazirliyinin İqtisadi İslahatlar Elmi-Tədqiqat İnstitutunda ABŞ-ın Brandies Universitetinin Beynəlxalq Biznes Məktəbinin dosenti, prof. Can Erbilin başçılığı ilə ölkəmizdə səfərdə olan magistratura pilləsinin məzunları ilə görüş keçirilmişdir. Görüşdə İnstitutun əməkdaşları və doktorantları iştirak etmişlər.

 

İqtisadi İslahatlar Elmi-Tədqiqat İnstitutunun direktoru Vilayət Vəliyev qonaqları salamlayaraq belə tədbirlərin əlaqələrin genişlənməsi və təcrübə  mübadiləsi baxımından əhəmiyyətini qeyd etmişdir.

 

Brandies Universitetinin Beynəlxalq Biznes Məktəbinin dosenti, prof. Can Erbil isə öz növbəsində görüşün təşkilinə görə minnətdarlıq etmiş, təmsil etdiyi universitet barədə görüş iştirakçılarına geniş məlumat vermişdir.

 

İqtisadi İslahatlar Elmi-Tədqiqat İnstitutunun doktorantı Elxan Mikayılov İnstitutun yaranma tarixi, aparılan tədqiqatlar, qurumun digər xarici elm-təhsil müəssisələri ilə əlaqələri barədə təqdimatla çıxış etmişdir. 

 

E.Mikayılov Brandies Universitetinin Beynəlxalq Biznes Məktəbinin magistratura pilləsinin məzunlarının suallarını cavablandırmışdır.

 

 

© İstifadə zamanı www.ier.az saytına istinad zəruridir.



150.jpg
  • 04 İyun 2013
  • 1370